З 23 па 25 лістапада 2018 года ў Доме Святой Тройцы ў Баранавічах прайшоў асноўны WE руху "Сужэнскія сустрэчы". На рэкалекцыі прыехалі 7 сужэнстваў з Мінска, Ліды, Баранавіч. У рэкалекцыях таксама ўдзельнічаў віцэ-рэктар Пінскай Семінарыі кс. Адам Дынак. Праводзілі ўікэнд а. Конрад Патыка SVD і аніматары Аляксандр і Святлана Квяткоўскія з Баранавіч, Аляксей і Марына Куратнік з Івацэвіч, а таксама дэбютавала пара з Пінска - Віталь і Юлія Дунько.

А пра плады рэкалекцый вядома ж лепш апавядуць выказванні ўдзельнікаў:

* У нас адкрылася другое дыханне! Мы сталі глядзець адзін на аднаго па-новаму, любоў акрыліла нас з новай сілай.

* Рэкалекцыі нас вельмі натхнілі, на многія рэчы і адзін на аднаго мы паглядзелі іншымі вачыма. Натхнёныя, радасныя, з велізарнай надзеяй з'язджаем дадому і верым, што ўсё ў нас наладзіцца.

* Мы ў пачатку сямейнага жыцця. Кожнаму з нас хочацца настаяць на сваім, даказаць сваю правату. А цяпер будзем размаўляць і саступаць адзін аднаму.Часта замоўчвалі крыўды і яны назапашваліся як ком. Будзем расці ў дыялогу.

* Дыялог не заўсёды складваўся. Цяпер, думаю, будзе лягчэй.

* Для мяне ўікэнд – гэта дапаможнік для шчаслівага сямейнага жыцця. Тут знялі ўсе маскі. Я адчула сябе цалкам аголенай перад мужам. Тут ты обнуляешся і абнаўляешся.

* Спачатку было вельмі хвалююча. Вельмі спадабаліся правілы дыялогу. Я больш кажу, чым слухаю. Ёсць над чым працаваць. Даведаліся пра пачуцці адзін аднаго.

* Адкрылі для сябе, што практычна ў нас аднолькавыя погляды на жыццё, але мы, як гэта не банальна, не ўмеем будаваць дыялог. Даведаліся, як карыстацца дыялогам. Тут стала ўсё ясна і зразумела.

* Быццам бы размаўлялі адзін з адным, а дыялог не атрымліваўся. Тут удалося спакойна ўсё абмеркаваць. Гэта так выдатна!

* За гэтыя тры дні мы нібы даведаліся адзін аднаго зноўку. З'явілася жаданне працаваць у адносінах, слухаць і чуць адзін аднаго. Мы сталі яшчэ бліжэй, радней і шчаслівей.

Для таго каб пакінуць каментар неабходна Аўтарызацыя або Рэгістрацыя