Чарговая серыя Вечароў для закаханых прайшла з 4 красавіка па 30 мая на базе архікатэдральнага касцёла ў Мінску і стала, напэўна, самай шматлюднай. Удзельнічала ажно 12 пар, рознага ўзросту і канфесій, на розных этапах свайго рамантычнага шляху (у тым сэнсе, што некаторыя мелі вызначаную дату шлюбу, а некаторыя пра вяселле яшчэ, можа, і не задумваюцца). Усе ўдзельнікі былі вельмі дысцыплінаваныя, з жаданнем працаваць, весці дыялог. Было бачна, што ім проста прыемна праводзіць час адно з адным. Рамантыка кахання лунала ў паветры.

У цэлым, пасля правядзення гэтых Вечароў засталіся пачуцці захаплення, замілавання, узнёсласці, радасці.

З выказванняў удзельнікаў:

“Вельмі спадабалася тая атмасфера, якая заўсёды панавала на занятках”.

“З’явілася надзея на нешта новае ў адносінах”.

“Больш навучыліся дыялогу, стала прасцей”.

“Цікава пазнаць сябе і каханую”.

“Атрымалася лепш зразумець адно аднаго ў пытаннях веры”.

“Адкрыліся нечаканыя бакі жыцця”.

“Дзякуй за ахвяраваны час. Панавала сяброўская атмасфера. Раней не ведалі, як пачаць размову, а тут дыялог пайшоў”.

“Зразумелі, што нават пра самыя далікатныя пытанні можна казаць шчыра. Гэта быў час адкрыццяў. Сям’я – гэта праца нон-стоп”.

Для таго каб пакінуць каментар неабходна Аўтарызацыя або Рэгістрацыя