17-18 студзеня 2015г. у Баранавічах у доме Святой Тройцы прайшлі паглыбленыя рэкалекцыі для аніматараў руху "Сужэнскія Сустрэчы" пад дэвізам "Добрая вестка пра дыялог". Ва ўікэндзе ўдзельнічала 8 пар з Баранавіч, Сталовіч, Івацэвіч , а таксама духаўнік баранавіцкага Цэнтра а. Конрад і капуцын са Слоніма а. Анатоль.
Тэмы, падабраныя да ўікэнда былі накіраваны на развіццё духоўнасці, паляпшэнне якасці дыялогу не толькі паміж мужам і жонкай, але і ў абшчыне аніматараў, таксама з Богам і з іншымі людзьмі. Правядзенне такіх уікэндаў мае сэнс, гэта даказваюць сведчанні ўдзельнікаў:
- Для мяне гэтыя рэкалекцыі былі лёгкімі. Мы ўзбагацілі не толькі сужэнскія адносіны, але яшчэ і духоўнае жыццё.
- Упершыню, як аніматар я не адчувала пачуццё страху. Была спакойная і разняволеная атмасфера, якая спрыяе адкрытаму дыялогу з самім сабой, Богам і мужам.
-Для мяне гэта сустрэча - выдатная магчымасць схавацца ад мірскай мітусні і сысці ў свой духоўны свет.
-Сужэнскія сустрэчы дапамагаюць мне ўбачыць у мужу больш добрага, чым дрэннага.
Мы перажылі ўікэнд вельмі спакойна. Атмасфера была вельмі прыязная. Відавочная прысутнасць Духа Святога была ва ўсіх анімацыях і развагах. Божа, дзякуй, што Ты быў побач ,падтрымліваў і дапамагаў усім нам.
Паглыбленыя рэкалекцыі маюць велізарны плюс, як для аніматараў, так і для тых пар, якія ў будучыні бачаць сябе ў гэтым служэнні. Гэтыя духоўныя практыкаванні спрыялі больш поўнай сувязі з Богам, дыялогу з самім сабой і мужам і больш поўнаму разуменню харызмата і місіі "Сужэнскіх Сустрэч".
Аляксей і Марына Куратнік
Для таго каб пакінуць каментар неабходна Аўтарызацыя або Рэгістрацыя