Сужэнскія сустрэчы - Першае паседжанне Нацыянальнай Рады "Сужэнскіх Сустрэч" Беларусі.

9 лютага 2013г. у г . Мінску адбылося першае паседжанне Нацыянальнай Рады "Сужэнскіх Сустрэч" Беларусі ў складзе: Лідары - Алена і Павел Кузьміцкія( Мінск), намеснікі Лідараў - Святлана і Аляксандр Квяткоўскія (Баранавічы), скарбнік – Іван Лубінскі (Мінск)( яго жонка Алена - сябар Рады), сябры Рады - Іна і Андрэй Любецкія (Мінск) і запрошаныя аніматары з Баранавіч - Наталля і Валерый Мазуркевічы.

Рада, абраная на Кангрэсе беларускіх аніматараў 20 студзеня 2013г, сустрэлася, каб абмеркаваць сёняшні дзень і будучае " Сужэнскіх Сустрэч" на Беларусі, перспектывы развіцця і план працы на бліжэйшыя чатыры гады.

Самыя важныя пункты праграмы, разгледжаныя Радай Кіравання:

1.Стварэнне Цэнтраў "Шлюбных Сустрэч" у Гарадзенскай і Віцебскай дыяцэзіях

2.Што зрабіць, каб усе формы працы " Сужэнскіх Сустрэч" лепш развіваліся.

3.Фінансавая сітуацыя ў Цэнтрах і стварэнне цэнтралізаванай сістэмы фінансавання.

4.Роля святароў у развіцці "Сужэнскіх Сустрэч".

5.Каталіцка - праваслаўныя адносіны ў Асацыяцыі.

6. Усебеларускі сайт "Сужэнскіх Сустрэч".

7. Абмеркаванне праграмы турнусаў.

8.Неабходнасць выбараў Нацыянальнага Духоўнага настаўніка "Сужэнскіх Сустрэч" Беларусі.

Але акрамя працоўнай скіраванасці гэта сустрэча мела і духоўную каштоўнасць - з'явілася чарговай магчымасцю быць разам, перажыць гэты час у крузе аднадумцаў, у духу кахання і паразумення і добрай практыкай у рэалізацыі прынцыпаў дыялогу ў Радзе.

Святлана і Аляксандр Квяткоўскія

Для таго каб пакінуць каментар неабходна Аўтарызацыя або Рэгістрацыя

Пакінуць паведамленне