7 лютага 2016 года ў Доме Святой Тройцы прайшоў традыцыйны карнавал "Сужэнскіх Сустрэч", прымеркаваны да дня Святога Валянціна.
Карнавал - яркая, маляўнічая, хвалюючая падзея, як быццам акунаешся ў свет казак, чараўніцтва, трапляеш у дзяцінства…
Наш карнавал - падзея, якой з нецярпеннем чакаюць і дарослыя і дзеці. Усё рыхтуюцца па- свойму. Удзельнікі - падбіраюць і шыюць гарнітуры, арганізатары - прадумваюць конкурсы, танцы, прызы. Усё разам - упрыгожваем залу, рыхтуем салодкі пачастунак.
І вось пад гукі чароўнага паланэза, пары ўрачыста адкрываюць баль. А побач з табой прынцы і прынцэсы, галантныя кавалеры, мушкецёры, піраты, і нават містар Ікс. Вакол скачуць зайчыкі, вавёрачкі, пархаюць матылькі. Усім весяла, усе ўсміхаюцца.
Атмасфера цяперашняга балю была дзівосна цёплая, хатняя. Нават конкурсы і камандныя спаборніцтвы робяць нас бліжэй адзін да аднаго, так прыемна адчуваць клопат бліжняга і усведамляць, што мы ўсе адна вялікая сям'я.
Асабліва хвалюючай для мяне стала малітва падзякі Богу за час Каляд і благаслаўленне на надыходзячы Вялікі Пост у канцы нашага свята.
Таццяна Антонава
Для таго каб пакінуць каментар неабходна Аўтарызацыя або Рэгістрацыя